LEERS GENEALOGIE

LEERS GENEALOGIE

Dénombrement du 13 janvier 1550 à Leers du fief de l'Hauwel par Jehan DE PREYS.

1/ C’est le raport et dénombrement que Je, Jehan nepveu en ligne directe de deffuncte damoiselle Marguerite DE LA CHAPELLE au jour de son trespas vefve de feu

2/ Nicollas DE PREYS, fay et baille à hault et puissant Pierre… DE WERCHIN Séneschal de Haynault, Baron de Cisoing, Premier Ber de Flandres, Seigneur de Wallincourt,

3/ de Roubais et Chevallier de l’Ordre de l’Empereur Notre Sire, de ung fief que je tieng de mondit Seigneur de sadite Baronnie appellé le fief de la Hauwelle gisant en la

4/ paroisce de Lers à moy succedé, escheu par le trespas de ladite damoiselle Marguerite DE LA CHAPELLE ma grant mère. Lequel mondit fief se comprend en plusieurs

5/ rentes quy se prendent sur quarante deux bonniers cincq cens de terre ou environ tenus dudit fief dont les héritiers d’iceulx doibvent vingt solz à l’advenant du

6/ bonnier de relief à le mort des héritiers et le dixiesme denier à la  vente, don ou transport quant le cas y eschiet. Lesquelles rentes se prennent assavoir

7/ au terme Saint Rémy trois « auwes », au terme de Noël quarante quattre rasières ung hoteaux d’avoine mesure de Tournay, au terme de Noël trentte cincq cappons et

8/ ung quart en argent, quattre livres ou environ et au terme Saint Jehan Baptiste soixante soulz obole desquelz quarante deux bonniers cincq cens y a plusieurs lieux

9/ masnoirs tous lesquelz lieux masnoirs, gardins, terres labourables et héritaiges dessus déclarez me doibvent et sont chargez de plaids généreulx trois fois l’an,

10/ et s’y aptient à mondit fief plusieurs regectz et avecq Justice de Visconte et ung eschevinaige de sept eschevins. Tout lequel mondit (fief) de le Hauwelle susdit.
11/ Je tiengs et adveue tenir en Justice de Visconte de Mondit Seigneur à cause de sadite Baronnie de Cisoing à dix livres de relief à le mort de l’héritier et le
12/ dixiesme denier à le vente, don ou transport quant le cas y eschiet avecq service en la court de mondit Seigneur en sadite Baronnie (partie illisible) hommes

13/ féodaux d’icelle quant somme et requis en suys ce présent raport fait par amendement, que se plus ou moing y estoit trouvé que ce ne puist préjudicier mondit Seigneur ny

14/ à moy. En tesmoing duquel raport Je ay icelluy signé de mon saing manuel et faict sceller du scel de Gilles PREVOST pour mon pr…te pon..

15/ lalsen… de mon scel. Ce fut ainsy faict le XIIIème jour de janvier XV C cincquante.

 

Suit la signature : Jan DU PREYS 

 



06/02/2012
0 Poster un commentaire

Inscrivez-vous au blog

Soyez prévenu par email des prochaines mises à jour

Rejoignez les 13 autres membres